Хабиб Нурмагомедов: "Усман Нурмагомедов ўз бурчагини тинглашни билади"

UFC нинг собиқ чемпиони Хабиб Нурмагомедов Bellator чемпиони Усман Нурмагомедов ҳақида ўз фикрларини билдирди.

"Усманнинг жангчи IQ си юқори. У баҳсни қандай олиб боришни билади. Менга энг ёқадиган жиҳати — бурчакни тинглаши ва жангни чиройли, тўғри ташкил қилишидир. Мен амакиваччамга секундант бўлиб турганимда ҳам ҳаяжонланаман, бироқ бир вақтнинг ўзида унда жуда кўп жиҳатларда устунлик борлигини ҳис қиламан. Усман барча йўналишларда катта маҳоратга эга", - деди ММА афсонаси.

Эслатиб ўтамиз, Усман Нурмагомедов ҳозирда Bellator нинг енгил вазн тоифасидаги (70 кг) чемпиони ҳисобланади.