Хаби Алонсо: "Нико Пас жуда тўғри қадам ташлади"

Мадриднинг "Реал" клуби бош мураббийи Хаби Алонсо "Комо" ярим ҳимоячиси Нико Паснинг ўсиши ҳақида фикр билдирди.

"Албатта, Нико ўтган йили "Комо"га ўтиб, жуда оқилона қадам ташлади. Албатта, мен "Ювентус" — "Комо" учрашувини кўрдим, жамоа жуда яхши ўйнади, Пас ҳам шундай", — деди испаниялик мураббий..

Журналист Фабрицио Романо таъкидлашича, Нико Пас ҳали ҳам "Реал"нинг яқин келажакдаги трансфер режаларида бор.

Жорий мавсумда 21 ёшли аргентиналик ярим ҳимоячи Италия А Сериясида 7 та ўйинда иштирок этиб, 4 та гол урди ва 4 та голли узатма берди.