Вернер голсиз сериясига якун ясаган ўйинда "Челси" йирик ҳисобда ғалаба қозонди

Англия Кубоги 1/32 финал учрашувлари бўлиб ўтмоқда. Ўз уйида "Моркам"ни қабул қилган "Челси" 4:0 ҳисобида ғалаба қозонди.

Дастлаб, Мэйсон Маунт 18-дақиқада ҳисобни очди. Тахминан 25 метр масофадан зарба берган футболчи дарвозани ишғол этди. "Аристократлар" биринчи бўлим якунига қадар ҳисобни ишончли кўринишга келтирди. Хаверцнинг узатмасини Вернер бўш қолган дарвозага киритди. Учинчи гол Зиешнинг пасидан кейин бирга-бир вазиятга чиқиб борган Хадсон-Одои томонидан киритилган бўлса, Кай Хаверц 86-дақиқада ҳисобни 4:0 кўринишига келтирди.

Шу тариқа, Лэмпард шогирдлари Англия Кубоги 1/16 финал босқичига йўлланмаларни қўлга киритди.

{online}3491330{/online}