Венгер ва Моуриньодан бири янги мавсумда АПЛ клубини бошқариши мумкин

Яқин вақтлар ичида "Ньюкасл" клуби хўжайинига айланадиган шайх Ҳолид бин Зайид Ал Нахоён жамоа бошқарувига қайси мутахассислар номзодини кўриб чиқаётгани маълум бўлди.

Mirror нашри тарқатган хабарга кўра БАА қироллик оиласи аъзоси ҳисобланган шайх Ҳолид “қарғалар” бошқарувига Арсен Венгер ёки Жозе Моуриньони олиб келмоқчи. Жамоанинг амалдаги устози Рафаэль Бенитес эса ўз лавозимини тарк этади.

Эслатиб ўтамиз, Венгернинг сўнгги иш жойи "Арсенал" клуби бўлган эди. У 2018 йилнинг ёзидан буён ишсиз ҳисобланади. Моуриньо эса 2018 йилнинг декабрида "Манчестер Юнайтед"дан истеъфога чиқарилган эди ва у ҳам айни дамда ишсиз ҳисобланади.

Маълумот учун, “Ньюкасл” ўтган мавсум АПЛнинг 13-ўринда якунлади.