Венгер ҳам Дания дарвозасига белгиланган пенальтини танқид қилди
- 8-июл 2021, 12:25
- Baxtiyorjon Toshtemirov
- 2
- Футбол
Таниқли француз мураббийи Арсен Венгер Англия ва Дания ўртасидаги “Евро-2020” ярим финал учрашувида ҳакам Данни Маккелининг Дания дарвозаси томон пенальти белгилаш қарорини танқид қилди.
Эслатиб ўтамиз, нидерландиялик ҳакам Раҳим Стерлингнинг Йоаким Меле билан тўқнашувидан сўнг "нуқта" ни кўрсатди. Кўпчилик мутахассислар Стрелинг ушбу вазиятда йиқилишни қойилмақом ижро этгани ҳақида гапирмоқда.
Харри Кейн томонидан амалга оширилган пенальтини Каспер Шмейхель қайтарган эди. Аммо қайтган тўп яна Кейннинг ўзига келиб тушди ва иккинчи зарбада у дарвозани ишғол этди. Ушбу гол учрашувда ҳал қилувчи бўлди.
“Бу пенальти эмас. Нега бундай вазиятларда ҳакам VARдан фойдаланмаганини ва мониторда такрорий лавҳани томоша қилишга бормаганини тушунмаяпман. Бундай дақиқаларда у ўз қарорига мутлақо амин бўлиши керак”, - деди Венгер.