Ваъдалар бажарилмади! Машҳур футболчи “Реал”ни тарк этадиган бўляпти
- 20-январ, 07:02
- Zohir Toshxo’jayev
- 0
- Футбол
Ўтган мавсум “Ливерпуль” сафида Англи Премьер-лигасида чемпионлик унвонини қўлган киритганидан кейин жамоани тарк этиш истагини билдириб, эркин агент мақомида “Реал”га ўтиб кетган Трент Александер-Арнольднинг испан футболида омади чопмади.
Тажрибали ҳимоячи Ла Лигага мослаша олмади, олган жароҳати “Реал” асосий таркибига киришини қийинлаштириб қўйди. Энди у “Реал”дан кетиш истагини билдирмоқда.
The Telegraph нашри маълумотларига кўра, англиялик футболчини клубдаги вазият умуман қониқтираётгани йўқ. Қолаверса, унинг кўнгли қолишига “Қироллик клуби” раҳбарияти томонидан берилган, аммо ҳалигача бажарилмаган қатор ваъдалар сабаб бўлган.
Шу боис, Трент “Реал”дан кетиш вариантини ҳам кўриб чиқишга тайёр.
Трент Александр-Арнольд клуб билан 2031 йилнинг ёзигача давом этадиган шартномага эга. У жорий мавсумда мадридликлар сафида барча мусобақаларда 11 та ўйин ўтказиб, 1 та голли узатма берди.