Унда супер клубга ўтиш учун супер имконият бор

Мадриднинг "Реал" клуби раҳбарияти жамоанинг асосий дарвозабони Тибо Куртуага ўриндош қидирмоқда.

Football Italia нашрининг маълум қилишича, “қироллик клуби” бу борада “Фиорентина” посбони Альбан Лафонни кўз остига олиб қўйди. Айнан у “Реал”дан кетиши кутилаётган дарвозабон Альфонсо Ареоланинг ўрнини эгаллаши мумкин.

Таъкидлаш керакки, Лафон жорий мавсумни "Нант" клубида ижарада ўтказмоқда. Француз клуби эса унинг трансферини 9 млн евро эвазига тўлиқ сотиб олиш ҳуқуқига эга.

Альбан Лафон бу мавсум 29 та ўйинда иштирок этди ва ўз дарвозасидан 33 та гол ўтказиб юборди.