Шавкат Раҳмонов, Мовсар Евлоев, Умар Нурмагомедов – уларни нима боғлаб туришини биласизми? Ҳар уччаласи ҳам айни пайтда фаолиятини давом эттираётган, энг узоқ мағлубиятсиз серияга эга жангчилардир.
Ярим ўрта вазн рейтингида 3 ўринни эгаллаб турган Шавкат Раҳмонов ҳали мағлубиятга учрамади. У ММА да 18 та жанг ўтказиб, барчасида муддатидан олдин ғалаба қозонди.
Россиялик ММА жангчиси Мовсар Евлоев ҳам 18 та жангнинг барчасида зафар қучган. У ярим енгил вазн тоифаси рейтингида 6 ўринни банд этиб турибди.
Яна бир россиялик спортчи Умар Нурмагомедов эса юқоридаги ҳамюртининг натижасини такрорлаган. У 18 та жангнинг 9 тасида муддатдан аввал, 9 тасида очколар ҳисобига ғалаба қилган. Айни пайтда Умар ўта енгил вазн рейтингида 2 ўринни эгаллаб турибди.
Кўрамиз, бу спортчиларни ким тўхтата олар экан !