"Уимблдон". Нигина Абдураимова ўз юришини иродали ғалаба билан бошлади!

Теннис бўйича "Катта дубулға" туркумига кирувчи "Уимблдон" турнирининг саралаш баҳсларига старт берилди. 

Вакиламиз Нигина Абдураимова туркиялик Ипек Озга қарши кортга чиқди. 3 сет давом этган баҳсда вакиламиз кичик камбэк эвазига ғалаба қозонди. Якуний ҳисоб 2:6, 6:4, 6:2.

Энди Нигина саралашдаги навбатдаги баҳсни Лихтенштейн шарафини ҳимоя қилаётган Катинка фон Дайхманнга қарши ўтказади. Баҳс эртага Тошкент вақти билан соат 15:00 да старт олади.