"Уэмбли" катта жангга гувоҳ бўлиши мумкин!

Мутлақ жаҳон чемпиони Александр Усик ва IBF чемпиони Даниэль Дюбуа "Уэмбли" стадионида жанг ўтказиши мумкин. Бу ҳақда "Sky Sports" нашри хабар бермоқда.

Дюбуа аввалроқ, 22 февраль куни Саудия Арабистонида собиқ жаҳон чемпиони Жозеф Паркерга қарши чемпионлик унвонини ҳимоя қилишни режалаштирган эди. Аммо соғлиғидаги муаммолар сабабли ушбу жангда иштирок эта олмади ва натижада унинг ўрнини африкалик Мартин Баколе эгаллади.

Эслатиб ўтамиз, Усик ва Дюбуа ўртасидаги илк жанг 2023 йилнинг август ойида Польшада бўлиб ўтган ва унда украиналик боксчи тўққизинчи раундда нокаут эвазига ғалаба қозонганди.