УЕФА Россия жамоаларининг Европа футболига қайтишига умид қилмоқда. Бу ҳақда Россия футбол иттифоқининг конференциясида иштирок этган УЕФА президентининг миллий ассоциациялар бўйича маслаҳатчиси Йозеф Климент маълум қилди.
“Москвадаги конференциянгизда яна сизлар билан учрашганимдан хурсандман. Сизга УЕФА президенти Александр Чеферин ва бутун ассоциациянинг энг эзгу тилакларини етказмоқчиман.
УЕФА 55 та ассоциацияни бирлаштиради, бизнинг вазифамиз тенг ривожланишдир. Биз футболни ривожлантирамиз, лекин уни ҳимоя қилишимиз ҳам керак. Бир бўлсак, барча тўсиқларни енгиб ўтишимиз мумкин. Бунга яққол мисол – пандемия.
Энди олдимизда яна бир, жуда жиддий муаммо турибди. УЕФА бу қийинчиликларни ҳам енгиб ўтишига ишонамиз. Тез орада нафақат расмийлар, балки футболчилар ҳам учрашадилар. Биз Россия жамоалари ва клубларига Европа жамоалари билан рақобатлашишга рухсат берилишига ишонамиз”, — деди Климент.
Айни дамда Россия клублари ва жамоалари УЕФА томонидан иттифоқ шафелигидаги мусобақаларда иштирок этишдан четлаштирилган.