У терма жамоадан кетишини эълон қилди
- 21-июн 2021, 12:31
- Baxtiyorjon Toshtemirov
- 0
- Футбол
"Женоа" клуби ҳужумчиси Горан Пандев халқаро фаолиятини якунлаганини эълон қилди.
Шимолий Македония ва Нидерландия терма жамоалари ўртасидаги “Евро-2020” гуруҳ босқичининг сўнгги 3-туридан олдин ўтказилган матбуот анжуманида 37 ёшли футболчи терма жамоадаги фаолиятини якунлашини маълум қилган. Пандев учун Нидерландияга қарши ўйин Шимолий Македония таркибидаги сўнгги учрашув бўлади.
Бундан ташқари, Горан айнан мана шу Европа чемпионатидан сўнг футболчилик фаолиятини якунлаши мумкинлигини ҳам айтган. Таъкидлаш керакки, унинг "Женоа" билан амалдаги шартномаси 30 июнь куни ўз ниҳоясига етади.
Пандев Шимолий Македония терма жамоасида 2001 йилдан буён ҳаракат қилиб келмоқда. У ўтган давр мобайнида жами 121 та ўйин ўтказди ва ўз ҳисобига 38 та гол ёздириб қўйди.