Туркия чемпионатининг қачондан бошлаб давом эттирилиши маълум бўлди

Туркия чемпионати 17 февралдан бошлаб давом эттирилади. Бу ҳақда Туркия футбол федерацияси хабар берди.

Мусобақа мамлакатда юз берган кучли зилзилалар туфайли тўхтатилган эди. Профессионал ва ҳаваскорлар тоифасидаги барча ўйинлар 7-12 февралда белгиланган учрашувлар 17-20 февраль санасига кўчирилди.

6 февраль куни бўлиб ўтиши керак бўлган ўйинлар эса 21-23 февраль кунлари бўлиб ўтадиган бўлди.

Туркия футбол федерацияси мамлакатдаги зилзила муносабати билан Туркия фавқулодда вазиятларни бошқариш фондига 1 миллион доллардан ортиқ маблағ жўнатишини ҳам маълум қилди.