"The Best"ни қўлга киритган Винисиусдан Ҳусановнинг қасосигача. Ўтган ҳафтанинг муҳим воқеалари

"The Best"ни қўлга киритган Винисиус, Ҳусановдан қасос ва 12 та футболчи билан ўйнаган жамоа. Ўтган ҳафта давомида содир бўлган муҳим воқеалар ҳақида.

Дастлаб, ҳафта стартида Винисиус ФИФА томонидан йилнинг энг яхши футболчиси учун берилувчи "The Best" унвонини қўлга киритди. Ундан кейинги ўринларни Родри ва Беллингем банд этди. Шунингдек, йилнинг энг яхши дарвозабони сифатида Эмилиано Мартинес эътироф этилган бўлса, Карло Анчелотти йилнинг энг яхши мураббийи деб топилди.

Бир келса қўшалоқ, деганларидек Анчелотти жамоаси кейинги куни "Қитъалараро кубок-2024" финалида "Пачука"ни 3:0 ҳисобида мағлуб этди. Мазкур кубок "қироллик клуби" учун жорий йилдаги бешинчи соврин бўлди. 

Англия томонларда эса вазият деярли одатдагидек. АПЛнинг 17-тури доирасида "Манчестер Юнайтед" "Борнмут"дан йирик шармандачиликни қабул қилиб олди. "Ливерпуль" эса "Тоттенхэм"ни теннисча ҳисобда мағлубиятга учратди 3:6. "Манчестер Сити"да эса яна мағлубият. "Шаҳарликлар" "Астон Вилла"га 2:1 ҳисобида мағлуб бўлди. 

Мазкур турдан сўнг турнир жадвали қуйидаги кўринишга келди:

Ла Лигада эса ҳақиқий драматик баҳслар бўлиб ўтди.

"Барселона"га қарши баҳсда Сёрлотнинг сўнгги дақиқалардаги голи "Атлетико"ни турнир жадвалида пешқадамга айлантирди. "Севилья"ни осонликча мағлуб этган "Реал Мадрид" эса иккинчи ўринга кўтарилди. Фликнинг "Барселона"си эса учликни якунлаб берди.

Мазкур ҳафтага Абдуқодир Ҳусановнинг ПСЖдан олинган қасоси ажойиб якун ясаб берди. Лига 1 доирасида парижликларга қарши майдонни қизил карточка сабабли эрта тарк этган ҳимоячимиз Франция кубоги доирасида Энрике жамоасини нафақат голи, балки, ҳимоядаги ҳаракатлари билан ҳам лол қолдирди.

Юқорида таъкидланганидек, якунига етган ҳафта футболда камдан-кам рўй берадиган воқеа бўлди.

Яъни Индонезия лигасида бир клуб ўйин якунида 12-футболчини майдонга туширди.

Индонезиянинг "Макассар" жамоаси "Барито Путера" жамоасига қарши ўйинда ҳийла ишлатди. Ўйиннинг сўнгги сонияларида майдонда ўн иккинчи футболчи пайдо бўлди. Буни ҳакамлар пайқашмади. Бу эса 3:2 ҳисобидаги ғалабани сақлаб қолишга имкон берди.