“The-afc.com”: Марказий зонада гуруҳ босқичининг энг яхши футболчиси ким бўлди?

Осиё футбол конфедерацияси расмий сайти ҳисобланган “The-afc.com” ОФК Кубоги гуруҳ босқичининг Марказий Осиё зонаси ўйинларига эътиборини қаратди ва энг яхши футболчиларни саралаб олди. Мухлислар ўртасида сўровнома типида ўтказилаётган танловда Ўзбекистон шарафини ҳимоя қилган “Насаф”дан ҳам футболчилар бор. Қуйидаги ҳавола орқали уларга овоз беришингиз мумкин: 

Овоз бериш учун ушбу ҳавола устига босинг

Биз эса сизга мақоланинг тўлиқ таржимасини тақдим этамиз: 

 

Элман Тагаев (“Аҳал”) - 2 та ўйин, 3 та гол

Тагаев гуруҳ босқичининг, сўзсиз, энг яхши футболчиларидан бири. Турнир жорий мавсумида 20 дақиқа ҳаракат қилиб улгурмасидан, Элман ҳисобида 2 та гол пайдо бўлди ва бу “Равшан” устидан қозонилган ғалабада (3:1) етакчи ўрин тутди. 

Бу ҳали Туркманистон терма жамоасининг собиқ футболчиси учун ҳаммаси эмасди: “Дордои”га қарши кечган ўйинда у яна битта гол уриб, клубига Марказий Осиё минтақаси финал чиптасини тақдим этди. 

Шерзод Насруллаев (“Насаф”) - 3 та ўйин, 1 та гол, 4 та ассист

“Насаф” ҳужумининг мотори деб таърифлашимизга муносиб бўлган Шерзод ўзи ҳаракат қилган чап қанотда рақибларига ҳеч қандай бўш ҳудуд қолдирмаслиги билан бирга, жамоасининг голларида доимий қатнашиб турди. 

“Аждарлар” гуруҳ босқичида урган 9 та голнинг 5 тасида Насруллаевнинг иштироки гувоҳи бўласиз. У ҳар 47 минутда битта голли узатма амалга ошириб, улкан самарадорлик кўрсатди. 

Алтимират Аннадурдиев (“Олтин Аср”) - 3 та ўйин, 4 та гол

Туркманистон Юқори лигасида ўтган мавсум 35 та гол урган футболчидан жамоанинг асосий юлдузи эътибори билан кўп нарса кутилиши табиий эди. Алтимират ҳам ўзига билдирилган ишончни оқлаб, 4 та гол уришга эришди. 

“Хўжанд”га қарши ўйинда у намойиш этган класс жамоасига ғалаба олиб келди. 

Абай Боколеев (“Дордои”) - 2 та ўйин, 2 та гол

Қирғиз клубининг миллий чемпионат доирасидаги тўпурари ҳисобланган Абай ОФК Кубогида ҳам худди шу нотадаги ўйинларини давом эттирди. “Равшан” устидан 3:0 ҳисобида эришилган ғалабада унинг дубли асосий ролни ўйнади. 

Ҳа, биринчи голни кўпроқ жой танлашдаги маҳорат деб таърифлаш мумкин. Аммо иккинчи гол ҳақиқий ҳужумчиларга хос тарзда киритилди. 

Акмал Мозговой (“Насаф”) - 3 та ўйин, 1 та ассист, 1 та гол

“Насаф”дан ушбу рўйхатга қанча футболчи киритсак ҳам камдек кўринаверади. Аммо марказий ярим ҳимоя вакили ҳисобланган Акмал Мозговой қаршиликларнинг жамоавий футболи рамзи сифатида ушбу футболчилар орасидан ўрин олишга ҳақлидек. 

Статистика ўрнида айтиб ўтишимиз керакки, Мозговой ҳар бир беллашувда ўртача 70 тадан пас узатишга муваффақ бўлди. Ушбу пасларнинг 97,5 фоизи ўз манзилига аниқ етиб борган. Рақибдан тўпни олиб қўйиш кўрсаткичи ўзбекистонлик ярим ҳимоячида 22 тани ташкил этмоқда. 

Дилшод Бозоров (“Хўжанд”) - 3 та ўйин, 2 та ўйин

Тожик грандининг 4 очкоси гуруҳдан кейинги босқичга йўлланма олиш учун етмади. Бу борада, айбсиз футболчини излаш керак бўлса, у шубҳасиз Дилшод Бозоров бўлади. “Олтин Аср” ва “Олой”га қарши беллашувларда у биттадан гол уриб, ўзини кўрсатишга муваффақ бўлди. 

Бу шунчаки унинг ОФК Кубоги жорий мавсумидаги 2 та голи устида бораётган гап эмас. Мана шу голларни урар экан, у ОФК Кубогининг сўнгги 5 учрашувида 5 та гол уришга муваффақ бўлди. 

“The-afc.com” сайтидан Абдулвосид Валихонов таржимаси