Тезкор. Мадрид клуби Ҳусанов учун курашга қўшилди

Январь ойидаги трансферлар ойнаси олдидан бир қатор гранд клублар нишонига айланган Абдуқодир Ҳусанов "Атлетико Мадрид"га йўл олиши мумкин. Бу ҳақда француз журналист Моҳамед Тубаче-Тер хабар берди.

Абдуқодир Ҳусановга қизиқиш билдириб турган клублар "Ланс" раҳбариятини анча шошириб қўйди. Футболчи Франциянинг ПСЖ ва "Марсель" ва бошқа лигаларнинг топ-клублари кузатувида бўлиб турибди.

Тубаче-Тернинг сўзларига кўра, пойгага қўшилган сўнгги клуб "Атлетико Мадрид" ҳисобланади. Клубни ҳимоячининг ҳаракатлари ҳайратда қолдирмоқда, деди инсайдер.

Аввалроқ, "Тhe Тelegraph" нашри "Ньюкасл" ва "Тоттенхэм" клублари ҳамюртимиз учун "Ланс"га 30 миллион евро тўлашга тайёр эканлиги ҳақида хабар берган эди.