Терма жамоамиз олтин медал учун курашади

Хоккей бўйича Ўзбекистоннинг ёшлар терма жамоаси Бангкокда бўлиб ўтаётган жаҳон чемпионатида тўртинчи ўйинида кетма-кет тўртинчи ишончли 11:3 ҳисобидаги ғалабани қўлга киритди.

Богдан Халевин ва Жасурбек Рустамҳонов хет-трик қайд этди, Иля Попов эса ўз ҳисобига 4 (2+2) очко ёздириб қўйди.

Эртага турнирда танаффус куни бўлади, 6 март, пайшанба куни эса чемпионатнинг ҳал қилувчи ўйини бўлиб ўтади. Унда Ўзбекистон мезбон жамоа – Таиланд билан тўқнаш келади. Ушбу баҳс ғолиби олтин медаллар ва III А дивизионига йўлланмани қўлга киритади.