Теренс Кроуфорд: "Ўша куни бутун дунёни ларзага соламан”

Аввалроқ,  Турки Ал ашь-Шайх мексикалик бокс юлдузи Сауль Альварес "Riyadh Season" билан тўртта жанглик шартнома имзолаганини айтганди. Инсайдер Майк Коппингернинг қўшимча қилишича, Альвареснинг жангларидан бири Теренс Кроуфордга қарши бўлиб ўтади. Шундан сўнг, америкалик чарм қўлқоп устаси мазкур хабарларга ўз муносабатини билдирди.

"Сентябр ойида “Канело”га қарши тўқнаш келишни интиқлик билан кутяпман. Ўша куни бутун дунёни ларзага соламан” - деб ёзди Теренс ижтимоий тармоқдаги саҳифасида.

Маълумот учун, Альварес шу кунгача 66 та жанг ўтказиб, 62 ғалаба, 2 мағлубият ва 2 та дуранг қайд этган. Кроуфорд эса 41 та жангда 41 та ғалаба қозонган.