Тарихни эслаймиз. 24 йил кутилган финал ёхуд "Навбаҳор" олдин Ўзбекистон кубогидаги финалларида қандай натижа қайд этган?

30 октябрь куни Бухорода Ўзбекистон кубоги финал учрашуви бўлиб ўтади. Мусобақанинг якуний босқичига Наманганнинг “Навбаҳор” ва Қаршининг “Насаф” клублари йўл олган.

“Аждарлар” ўз тарихида 8-марта финал йўлланмасига эга чиққан бўлса, “лочинлар” 5-бора мазкур босқич иштирокчисига айланди. Яқинда Қарши клубининг Ўзбекистон кубогидаги иштироклари ҳақида маълумот берган эдик. Бугун эса “Навбаҳор”нинг мусобақада қандай натижалар қайд этгани борасида тўхталишга қарор қилдик.

Хуллас, “Навбаҳор” 2022 йилида турнирнинг финал босқичига чиқди. “Лочинлар” бунга қадар 4 марта Ўзбекистон кубоги якуний босқичига йўл олган бўлса, 3 бора бош совринга эга чиқишган. Битта баҳсда эса мағлубият аламини тортиб кўрган.

1992 йил.

Қизиқ факт шундаки, “Навбаҳор” Ўзбекистон кубогининг илк соҳиби ҳисобланади. “Лочинлар” 1992 йилда мусобақа ташкил топган мавсумдаёқ совринга эга чиқишган. Ўша йили наманганликлар турнирни 1/16 босқичидан бошлаган. Илк беллашувда улар Қаршининг “Пахтачи” (ҳозирги “Насаф”)  клубини икки ўйин натижасига кўра 4:3 (4:0, 0:3) ҳисобида мағлубиятга учратиб, нимчорак финал йўлланмасига эга чиққан. 1/8 финал босқичида “Навбаҳор”га Сирдарёнинг “Янгиер” клуби рақиблик қилди. Ушбу беллашувнинг дастлабки ўйини 0:0 кўринишида якунланган бўлса, жавоб баҳси 2:0 ҳисобида наманганликлар фойдасига ҳал бўлган. Мухлислар чорак финалда водий дербисига гувоҳ бўлишди. “Навбаҳор” 1/4 босқичда Андижоннинг “Навруз” клубига қарши баҳс олиб бориб, ҳар икки ўйинни ҳам ўз фойдасига ҳал қила олди – 1:0. 3:1.

“Лочинлар” ярим финалда Фарғонанинг “Нефтчи” клубига қарши саф тортди ва икки учрашувда ҳам ғалаба қозониб (2:1, 2:1), финал йўлланмасига эга чиққан.  

“Навбаҳор” финалда Қўқоннинг “Темирйўлчи” (ҳозирги “Қўқон-1912”) билан бош соврин учун кураш олиб борди. Қизиқарли ва кескин курашлар остида ўтган беллашувнинг асосий ва қўшимча вақтларида ҳам ҳисоб очилмади. Ғолиб номи пенальтилар сериясида аниқланди ва унда омад наманганликларга кулиб боқди – 6:5.

Ўзбекистон кубоги| Финал
1992 йил

Самарқанд, “Динамо” стадиони, 7000 томошабин

“Навбаҳор” – “Темирйўлчи” 0:0 (пенальтилар серияси - 6:5)

“Навбаҳор” - Дмитрий Башкевич, Февзи Давлетов, Вячеслав Клочков, Улугбек Рузимов, Равиль Рахимов, Вали Келдиев, Сергей Арслонов, Геннадий Скрипник, Баходир Рахманов, Азамат Абдураимов, Рустам Забиров.

“Темирйўлчи” - Нариман Османов, Альфред Дитрих, Игорь Голованов, Мурод Камчиев, Хайитбай Ирисбеков, Зохид Нурматов, Дамир Рахматуллин, Шухрат Рахмонкулов, Степан Атоян, Рустам Абдуллаев, Рустам Абдуллаев.

1993 йил

“Навбаҳор” Ўзбекистон кубогини қўлга киритганидан бир йил ўтиб, яна финал босқичига йўл олади.  

Наманган клуби 1993 йилги Ўзбекистон кубогини 1/8 финалдан бошлашди. “Лочинлар” илк беллашувни Тошкент вилоятининг “Политотдел” жамоасига қарши ўтказиб, икки ўйин натижасига кўра, 5:4 ҳисобида ғалаба қозонди. Наманганликлар 1/8 финал босқичида Андижоннинг “Навруз” жамоаси билан ярим финал учун кураш олиб борди. Водий дербиси номи остида ўтган баҳсда “Навбаҳор” биринчи ўйинни 4:2 ҳисобида ўз фойдасига ҳал қилган бўлса, иккинчи бўллашувда имкониятни бой берди – 0:1. Урилган ва ўтказиб юборилган голлар фарқига кўра, “лочинлар” ярим финал йўлланмасига эга чиқишди.

Ярим финалда “Навбаҳор”ни яна бир водий жамоаси кутиб турган эди – “Нефтчи”. Наманган клуби қийин ўтган беллашувда финал йўлланмасига эга чиқишди. “Лочинлар” илк ўйинда 1:0 ҳисобида ғалаба қозонишди, аммо иккинчи ўйин 1:2 ҳисобида мағлубият аламини тортиб кўрди.  Аммо сафарда киритилган гол “лочинлар”ни финал йўлланмасини тақдим этган.

Финалда “Навбаҳор”ни Тошкентнинг “Пахтакор” жамоасига қарши баҳс олиб бориши керак эди. Қизиқарли ва кескин курашлар остида ўтган беллашув “шерлар” фойдасига ҳал бўлди.

Ўзбекистон кубоги| Финал
1993 йил

Тошкент, “Пахтакор” стадиони, 8000 томошабин

“Навбаҳор” – “Пахтакор” 0:3
Голлар: Нўмон Ҳасанов – 60, Миржалол Қосимов – 79, Рифат Галеев – 90.

“Навбаҳор” - Олег Сыроквашко, Мустафо Байрамов, Сайдулло Турсунов, Улуғбек Рўзимов, Равиль Рахимов, Вали Келдиев, Николай Романчук, Фарид Хабибуллин, Эрпулат Эралиев, Қаҳрамон Абдуқодиров. Геннадий Скрипник.

“Пахтакор” – Павель Бугало, Мурод Алиев, Фарҳод Магомедов, Миржалол Қосимов, Хикмат Эргашев, Илхом Шарипов, Нўмон Ҳасанов, Ёркин Назаров, Абдукаххор Маруфалиев, Рифат Галеев, Игорь Волков.

1995 йил

1995 йилда “Навбаҳор” яна Ўзбекистон кубоги финал босқичига йўлланмани қўлга киритди.  Ўша мавсум Наманган клуби мусобақани 1/16 финал босқичидан бошлашади. “Лочинлар” илк учрашувда Наманганнинг бошқа бир жамоаси “Навруз”га қарши ўйнайди ва икки ўйин натижасига кўра, 9:0 ҳисобида ғалаба қозонади (6:0, 3:0). Нимчорак финалда “лочинлар” Бухоронинг “Ситора” клубига қарши саф тортади ва ўта йирик ҳисобида рақибини мағлуб этди – 7:1, 6:0. Чорак финалда “Навбаҳор”га Қўқоннинг “Темирйўлчи” клуби рақиблик қилди.

“Навбаҳор” ушбу босқичда қийинчиликка дуч келди. Боиси, улар дастлабки баҳсда 3:4 ҳисобида имкониятни бой берди. Иккинчи ўйинда эса 2:0 кўринишида наманганликлар фойдасига ҳал бўлди ва “лочинлар” қийинчилик билан ярим финалга йўлланма олишди. 1/2 финал босқичида Наманган клубига “Нефтчи” рақиблик қилди. “Навбаҳор” мазкур баҳснинг дастлабки учрашувида 2:2 ҳисобида дуранг ўйнаган бўлса, жавоб беллашувида “лочинлар” йирик ғалабани тантана қилди (5:0) ва финалга йўл олди.

Финалда “Навбаҳор” Тошкентнинг МҲСК жамоасига қарши кубок учун кураш олиб борадиган бўлди. “Пахтакор” стадионида бўлиб ўтган беллашув 1:0 ҳисобида наманганликлар фойдасига ҳал бўлди.

Ўзбекистон кубоги| Финал
1995 йил

Тошкент, “Пахтакор” стадиони, 6000 томошабин

“Навбаҳор” – МҲСК 1:0
Гол: Алексей Винников – 51.

“Навбаҳор” – Дмитрий Башкевич, Анвар Асадуллаев, Сайдулло Турсунов, Фарход Магометов, Геннадий Денисов, Вали Келдиев, Сергей Арслонов, Винников Алексей, Юрпо Юралиев, Зафар Мусабоев, Олег Шацких.

МҲСК - Олег Беляков, Февзи Давлетов, Бахтиёр Намозов, Анатолий Хутин, Низомиддин Насриддинов, Алишер Отажонов, Нумон Хасанов, Алишер Бозоров, Шухрат Рахмонқулов, Ойбек Усмонхўжаев, Мухтор Қурбонов.

1998 йил

“Навбаҳор” 1998 йилда яна Ўзбекистон кубоги финалига йўлланма қўлга киритди. “Лочинлар” ўша мавсум мусобақани 1/16 финал босқичида Тошкентнинг “Чилонзор” клубига қарши баҳс олиб боради ва йирик 7:1 ҳисобида ғалаба қозонган ҳолда нимчорак финалга йўл олади. Мазкур босқчида “лочинлар” Нукуснинг “Арал”и билан чорак финал учун курашади. Қизиқарли ва кескин курашлар остида ўтган беллашувда “лочинлар” 5:0 ҳисобида ғолиб бўлиб, чорак финалга чиқишади.

Чорак финалдан бошлаб баҳслар яна уй ва сафар кўринишига қайтади. Ушбу босқичда наманганликларга Тошкент вилоятининг “Дўстлик” жамоаси рақиблик қилади ва беллашувнинг дастлабки ўйинида “лочинлар” 5:0 ҳисобида ғалаба қозонга бўлса, иккинчи ўйинда 0:2 кўринишида имкониятни бой беради. Аммо ўтказиб юборилган ва киритилган голлардаги фарқ эвазига “Навбаҳор” кейинги босқичга чиқади. Ярим финалда “лочинлар”га “Пахтакор” рақиблик қилди. Наманган клуби икки ўйин натижасига кўра 3:1 ҳисобида ғолиб бўлиб (1:1, 3:1), финалга чиқишди.

Ўз тарихида 4-марта финал йўлланмасига эга чиққан “Навбаҳор”га Фарғонанинг “Нефтчи” клуби рақиблик қилади. Тошкентдаги “Пахтакор” стадиони мезбонлик қилган учрашувда “лочинлар” 2:0 ҳисобида ғалаба қозонади ва 3-бора Ўзбекистон кубоги соврини қўлга киритишади.

Ўзбекистон кубоги| Финал
1998 йил

Тошкент, “Пахтакор” стадиони, 2500 томошабин

“Навбаҳор” – “Нефтчи” 2:0
Голлар: Шуҳрат Раҳмонқулов – 38, Анвар Солиев – 51

“Навбаҳор” – Олег Беляков, Рашид Ғофуров, Леонид Кошелев, Алексей Семёнов, Константин Гальченко, Илхом Шарипов, Тохир Мадрахимов, Шавкат Абдурахмонов, Шухрат Рахмонқулов, Анвар Солиев, Мухтор Қурбонов.

“Нефтчи” – Георгий Забиров, Темур Хамидов, Валентин Чухнов, Сергей Лебедев, Владимир Радкевич, Шуҳрат Шамсиев, Зокир Бердиқулов, Равшан Маталиев, Абдусамад Дурманов, Шухрат Мақсудов, Неъматулла Қуттибоев.

 

“Навбаҳор” 24 йил деганда яна Ўзбекистон кубоги финал босқичига чиқди. Бу сафарги рақиб ҳам турнирда катта тажрибага эга бўлган “Насаф” ҳисобланади. Ушбу ўйин 30 ноябрь куни Бухородаги “Бухоро СМ”да ўтказилади. Қизиқарли ўйин 17:00да бошлади.

Сизнингча, Ўзбекистон кубогида қайси жамоа ғалаба қозонади?

           

Жамшидбек Маҳмудов