"Сурхон" ёш посбони билан шартномани узайтирди

Мавсумнинг кашфиётлардан бири бўлган ёш дарвозабон Дилшод Йўлдошев "Сурхон" билан шартномани узайтирди.

2024 йилги мавсумида, Йўлдошев "Сурхон" сафида дебют ўйинларни ўтказиб футбол экспертларнинг эътиборини тортди. 2024 йилда барча мусобақаларида Йўлдошев 19та учрашув ўтказиб, 6 ўйинда "қуруқ" ўйин кўрсатди ва 56 маротаба сейв қилди

Йўлдошевнинг янги шартномаси 2026 йилнинг охиригача мўлжалланган. Унинг "Transfermarkt"даги нархи 125 минг еврони ташкил қилади.