“Спартак”да порлаган “пахтакорчи” Ўруновга баҳо берди!

“Спартак” собиқ ҳужумчиси Валерий Кечинов ўзбекистонлик ярим ҳимоячи Остон Ўруновнинг “Уфа”дан Москва клубига қайтгани ва пойтахтликларнинг ярим ҳимоячи Кристофер Мартинс билан шартнома имзолаганига ўз муносабатини билдирди.

- Тўғрисини айтсам, Кристофер Мартинс нималарга қодирлигини тўлиқ тушуниб етганим йўқ. Кучли томонлари борлиги кўриниб турибди. Тўпни олиб қўйиш, рақибнинг тезкор қарши ҳужумини узиб қўйишни яхши уддалайди.

Лекин бу ярим ҳимоячи жамоадошларига вазият яратиш бўйича бирон жиҳатини намойиш эта олгани йўқ. Унинг даражасидаги ўйинчини Россиянинг ўзидан ҳам  топиш қийин эмас. Ҳатто “Спартак”даги Пруцев ҳам майдонда Мартинс қиладиган ишларни уддалаб келмоқда. У катта ҳажмдаги вазифаларни бажармоқда ва тўпни олиб қўйишга ҳам уста.

Балки Мартинс келажакда рақиб дарвозаси томон хавфли вазиятлар яратишда ўзини кўрсатар. Ахир легионерларга айнан шунақа сифатлар керак. У Николсон блин бир пайтда келган, Шамар эса ўзини кўрсатиб, жамоадошлари учун қулай вазиятлар яратиб берди ва ўзи ҳам гол урди. Мартинс бўйича бунақа фикр айтолмайман.

- “Спартак”га Остон Ўрунов қайтди. Унда имконият борми?

- Ўрунов масаласида кўп нарса турли омилларга боғлиқ. Биринчи навбатда, жамоага қайси мутахассис бош мураббий бўлиши муҳим. Бундан ташқари, Ўруновнинг мавсумолди йиғинларида қай ҳолатда бўлиши ҳам аҳамият касб этади. Остон футбол ўйнай олишини ҳаммамиз кўрдик. Унинг техникаси яхши, лекин иш ҳажмини тўғри бажариш бўйича муаммолар йўқ эмас. Шунга қарамай, Ўрунов техника нуқтаи назарида жуда самарадор ўйинчи.

- Бош мураббий Ваноли кетади, деб ўйлайсизми?

- Бунақа вазиятда бунинг  эҳтимоли юқори. Оиласи узоқда, ўзи шу ерда. Агар ҳаммаси тинч бўлганида қоларди. Ваноли кетган тақдирда ҳам бу клуб учун катта йўқотиш бўлмайди. Тушунишимча, ҳаммаси унинг ўзига боғлиқ. Худди Тедесконинг вазиятига ўхшайди. Уни ҳеч ким ҳайдамаганди. Шу тарих Ванолида ҳам такрорланяпти.

Эслатиб Ўтамиз, “Спартак” 2020 йилнинг ёзида Остон Ўруновни “Уфа”дан трансфер қилиб, беш йиллик шартнома имзолаган эди. Ўша пайтдаги клуб бош директори Шамиль Газизов “Спартак” хўжайини  Леонид Федун билан келиша олмай қолгани ортидан бу мутахассис ўз лавозимини тарк этди.

Газизов атрофидаги воқеалар унинг ташаббуси билан Москва клубига олиб келинган Остон Ўруновнинг фаолиятига ҳам салбий таъсир қилди. “Спартак” мураббийлари легионеримизга ўзини кўрсатиши учун етарли имкон бермади.

Ўрунов кейинчалик икки марта ижара асосийда “Уфа”да ўйнади. Ўтган мавсумни ҳам Бошқирдистон жамоасида ўтказган ҳамюртимиз яна “Спартак”га қайтадиган бўлди. Чунки “Уфа” премьер-лигани тарк этганидан кейин Ўрунов трансферига бир миллион евро тополмаслигини маълум бўлди ва клуб ҳамюртимиз билан хайрлашди.

Ўруновнинг қайтишига муносабат билдирган Валерий Кечинов “Пахтакор” футболчиси бўлган. У Тошкент жамоаси сафида 1992-1993 йилларда 38 та учрашувда 30 та гол урган. Ўзбекистоннинг биринчи чемпионати ғолиб ва тўпурари бўлган.

Кечинов 1993 йли “Спартак” жамоасига кўчиб ўтиб, олти карра Россия чемпиони бўлди. Еврокубокларда ҳам иштирок этиб, халқаро майдонда 31 та учрашувда рақиблар дарвозасини олти маротаба ишғол қилди.

Ўзбекистон миллий терма жамоаси сафида учта ўйин ўтказган. Кейинчалик Россия терма жамоасида олти марта майдонга тушиб, бир жуфт тўп киритган.

“Рома” Мессини тиз чўктирган футболчини олади!

ПСЖ бош мураббийликка Моуриньони олиб келади!

“Реал” юлдузи “Рома”ни менсимади