"Сўғдиёна" Суперлигада иккинчи ўринни эгаллади. Жиззахликлар яна қачон совриндор бўлганини биласизми?

Бир неча дақиқа аввал Суперлиганинг бу мавсуми якунланди. 26-турда совриндорлар номи аниқланди.

"Сўғдиёна" Олмалиқда АГМК дарвозасини ҳакам томонидан қўшиб берилган дақиқада пенальтидан гол уриб, 2-ўринни эгаллади. Миржалол Қосимов жамоаси бронза медали билан чекланди.

Шу тариқа, Улуғбек Бақоев шогирдлари вице-чемпионга айланди. Тарихга назар солсак, жиззахликлар 1992 йили ўтказилган Ўзбекистон чемпионатида 3-ўринни эгаллаган экан. Бу "Сўғдиёна" учун иккинчи медаль ҳисобланади.