Собиқ жаҳон чемпионига Кличко билан жанг қилиш таклиф қилинди

Оғир вазн тоифасида собиқ жаҳон чемпиони Шеннон Бриггснинг сўзларига кўра, унга супер оғир вазн тоифасининг мутлоқ собиқ жаҳон чемпиони украиналик Владимир Кличкога қарши жанг қилиш таклиф қилинган.

– Кечаси соат учларда қўнғироқ жиринглади. Кейин Кличко билан урушмайсанми, деб сўрашди. Мен бунга тайёрман дедим. Кўрамиз воқеалар ривожи қандай бўларкин. Агар бу жанг ташкил қилинса, жуда хурсанд бўлардим. Ҳақиқатан ҳам менга бу жангни таклиф қилишди. Агар чемпион қайтса, ҳақиқий “ер қимирлаши”, момоқалдироқ ва чақмоқ бўлади, — дейди Бриггс IFL TV’га.

Аввалроқ Киев мэри Виталий Кличко укаси Владимир 2017 йилда британиялик Энтони Жошуга нотўғри йўл кўрсатилиши сабаб ютқазиб қўйганлигини таъкидлаб ўтган эди.