Слот Салоҳни таркибга қайтарди, лекин зиддият барҳам
- 13-декабр 2025, 11:56
- Zohir Toshxo’jayev
- 0
- Футбол
“Ливерпуль” бош мураббийи Арне Слот ва ҳужумчи Муҳаммад Салоҳ ўртасида суҳбат бўлиб ўтди. Суҳбат ижобий ўтган ва унинг якунида мураббий ҳамда футболчи бир бирига қўл берди.
Бу ҳақда Daily Mail хабар тарқатди.
Манба маълумотларига кўра, ушбу суҳбатдан кейин Салоҳ АПЛ доирасида “Брайтон”га қарши ўйинда таркибга қайтишига рухсат берилди. Бироқ зиддият тўлиқ ҳал этилмагани айтилмоқда.
Африка миллатлар кубоги вақтида футболчининг ва клубнинг вакиллари қўшимча музокаралар олиб боради.
Шунингдек, Слот ва Салоҳ ўртасидаги мулоқотдан кейин ҳужумчининг қишда жамоани тарк этиш эҳтимоли камайгани таъкидланмоқда.
Эслатиб ўтамиз, мисрлик вингер «Ливерпуль»нинг сўнгги тўрт ўйинида асосий таркибда майдонга тушмаган. Ўтган дам олиш кунлари “Лидс”га қарши ўйинда захирада қолдирилганидан сўнг, Салоҳ клуб ва мураббийни асоссиз равишда ўйин вақти бермаётганини танқид қилган эди. Натижада у Чемпионлар лигасининг 6-турида “Интер”га қарши ўтказилган ғалаба ўйин қайдномасига киритилмади.