“Сити”га яна янги ҳимоячи келади
- 12-май 2025, 11:42
- Zohir Toshxo’jayev
- 0
- Футбол
“Манчестер Сити” бош мураббийи Хосеп Гвардиола янги мавсум олдидан жамоанинг ўнг қанот ҳимоясига ҳам янги ижрочи олиб келишга қарор қилди.
“Шаҳарликлар” нишонига “Фламенго”нинг 21 ёшли футболчиси Уэсли Франса тушди. Таниқли журнаоист Пабло Оливейранинг маълум қилишича, манчестерликлар бразилиялик футболчи трансфери бўйича “Фламенго” билан музокараларни бошлаб юборган.
Бразилия клуби 2028 йилнинг охиригача давом этадиган шартномага эга бўлган ўз тарбияланувчиси учун 45 миллион евро талаб қилмоқда.
Истеъдодли ҳимоячи жорий мавсум барча турниларда 19 та учрашув ўтказиб, ҳимоядаги вазифаларини уддалашдан ташқари, битта гол ва иккита ассист муаллифи ҳам бўлди.
Таъкидлаш жоизки, “Манчестер Сити” бош мураббийи ҳимоя чизиғининг қолган барча нуқталарига янги ижрочилар тайёрлаб қўйган. Хусусан, мудофаа марказига Витор Рейс ва Абдуқодир Ҳусанов бор. Чап қанотни Нико О’Райли ўзиники қилиб олди. Ҳозирча, биргина ўнг қанотга янги ўйинчи керак. Агар “Манчестер Сити” Уэсли Франсани қўлга киритса, бу позиция ҳам ёш ўйинчи билан тўлади.