“Сити” юлдузи жамоада қолишдан бош тортди

“Манчестер Сити” ҳужумкор футболчиси Бернарду Силва келажаги бўйича муҳим қарорни қабул қилишига тўғри келмоқда.

Todofichajes нашри тарқатган ахборотга кўра, 30 ёшли португалиялик ўйинчи “шаҳарликлар” билан ҳамкорликни узайтиришга кўнмади.

“Манчестер Сити” бу ўйинчини 2017 йили “Монако”дан олиб келан эди. Шундан бери жамоада асосий фигуралардан ҳисобланган Бернарду Силва энди ўз кучини бошқа клубларда синаб кўрмоқчи.

Силванинг амалдаги шартномаси 2026 йилнинг ярмигача давом этади. Агар у клубда қолишга кўнмаса, “шаҳарликлар” уни мавсум якунланганидан кейин сотиб юборишига тўғри келади.

Transfermarkt портали яқин ўтмишда нархи 100 миллион евро бўлган футболчини айни пайтда 60 миллион еврога баҳоламоқда.