"Сити" Торрес учун қанча таклиф қилмоқчи?

"Манчестер Сити" клуби "Валенсия" вингери Ферран Торрес учун қанча маблағдан воз кечмоқчилиги маълум бўлди.

Superdeportes нашри тарқатган хабарга кўра, "шаҳарликлар" 20 ёшли испаниялик футболчи учун тахминан 15-18 миллион евро ҳамда ярим ҳимоячи Янхель Эррерани таклиф қилмоқчи.

Бундан аввалроқ, “Сити” Торрес билан шахсий келишувга эришгани ҳақида хабарлар тарқалган эди.

Торрес жорий мавсум “Валенсия” сафида 43 та ўйинда майдонга тушди ва ўз ҳисобига 6 та гол ҳамда 8 та голли узатма ёздириб қўйишга эришди. Унинг клуб билан амалдаги шартномаси 2021 йилга қадар имзоланган.