"Сити" ЖЧ-2022 да порлаётган футболчи учун МЮ ва "Челси" билан рақобатлашмоқчи
- 13-декабр 2022, 16:03
- Baxtiyorjon Toshtemirov
- 0
- Футбол
"Манчестер Сити" клуби "РБ Лейпциг" ҳимоячиси Йошко Гвардиолга жиддий қизиқиш билдирмоқда.
Foot Mercato нашри хабарига кўра, "шаҳарликлар" 20 ёшли хорватиялик футболчи учун бонуслар билан бирга 110 миллион евро таклиф қилган. Бундан ташқари, немис клуби футболчининг кейинги сотувидан тушадиган маблағнинг 20 фоизини ҳам олиши ҳуқуқига эга бўлади.
"Манчестер Сити" бош мураббийи Пеп Гвардиола аллақачон Гвардиол билан эҳтимолий трансфер ҳақида гаплашган. Шунингдек, яқинда “Манчестер Сити” ва “РБ Лейпкиг” вакиллари ва футболчи ўртасида ҳам учрашув бўлиб ўтган.
Олдинроқ хорватияликнинг трансфери бўйича "Манчестер Юнайтед" ва "Челси" ҳам таклиф билан чиқаётгани ҳақида хабарлар тарқалган эди. “Қизил иблислар” 90 миллион “аристократлар” эса 95 миллион евро таклиф қилишган.
Эслатиб ўтамиз, "РБ Лейпциг" Йошкони бундан бир ярим йил аввал Загребнинг "Динамо"сидан 19 миллион еврога сотиб олганди.