Шомуродовнинг жамоаси ва Сардор Азмун жаримага тортилди
- 25-июн 2020, 20:53
- Baxtiyorjon Toshtemirov
- 0
- Футбол
Бугун Россия футбол иттифоқи тартиб-интизом қўмитаси айрим вазиятлар бўйича ўз қарорларини қабул қилди. Айрим клублар мавсум рестартида янгиланган таҳрирдаги регламентнинг учинчи қисмини бузгани учун жазоланди.
Жумладан, ҳамюртимиз Элдор Шомуродов тўп сурадиган “Ростов” 25 минг рубль жарима тўлайдиган бўлди.
Бундан ташқари, “Сочи” 25 минг, “Крилья Советов” 30 минг, “Ахмат” эса 20 минг рубль жаримага тортилди.
Регламентнинг худди шу бандини бузган “Локомотив” хавбеки Жоау Мариу ва “Зенит” форварди Сардор Азмун ҳам жаримадан қутилиб қололмади.
Изоҳлар (0)
Ҳозирча изоҳлар йўқ