Шомуродовдан Сергеевгача. Ёхуд 2021 йилнинг энг яхши футболчиси бўлишга номзодлар эълон қилинди (ФОТО)

Аввал хабар берганимиздек, йил давомида ўзини ҳар жиҳатдан намойиш этган ҳолда футболимиз жамоатчилиги эътирофига сазовор бўлган футболчи, футзалчи, мураббий ҳамда яна кўплаб футбол жонкуярларини тақдирлаш мақсадида ЎФА ҳамда ЎзПФЛ мавсум якунларига бағишлаб йилнинг энг яхшиларини тақдирлаш маросими – UZ Football Awards тадбирини ўтказади. 

UZ Football Awards маросими жорий йилнинг 25 декабрь куни ZO’R TV нинг Renaissance Hall тантаналар залида бўлиб ўтади.

Ҳозиргина "Энг яхши футболчи" бўлишга номзодлар рўйхатини маълум қилинди. Қуйида даъвогарлар билан танишиб олишингиз мумкин:

• Элдор Шомуродов (“Женоа”/“Рома”)
• Ҳусаин Норчаев (“Насаф”)
• Ҳусниддин Алиқулов (“Насаф”)
• Иброҳимхалил Йўлдошев (“Пахтакор”/ “Нижний Новгород”)
• Игор Сергеев (“Актобе”/“Тобол”)
• Жалолиддин Машарипов (“Шабаб Ал-Аҳли”/“Ал-Насср”)
• Жасур Яхшибоев (“Легия”/“Шериф”)
• Отабек Шукуров (“Шаржа”)
• Ойбек Бозоров (“Насаф”)
• Шерзод Насруллаев (“Насаф”)