Шомуродов терма жамоадаги охирги ўйинларини "ёндирмоқда" (статистика)

Ўзбекистон миллий терма жамоаси сардори, Римнинг "Рома" клуби ҳужумчиси Элдор Шомуродов бугун Камерунга қарши баҳсда майдонга тушди. У мазкур беллашувда ўз ҳисобига битта голли узатма ёздириб қўйди. 

Шу орқали, футболчимиз МТЖдаги сўнгги 3 ўйинида 3 та гол ва 3 та ассист муаллифига айланди. Шунингдек, Элдор 2022 йилда терма жамоа сафида 9 та гол урди ва 3 та самарали узатма қайд этди.  

Эслатиб ўтамиз, вакилларимиз бугун Камерунни 2:0 ҳисобида таслим этди. Энди Катанец шогирдлари 27 сентябрь куни Коста-Рикага қарши саф тортади.