Шомуродов мухлисларига ёқадиган маълумот
- 25-июл 2024, 15:14
- Zohir Toshxo’jayev
- 2
- Футбол
Франция пойтахти Париж шаҳри мезбонлик қилаётган ёзги Олимпия ўйинлари футбол мусобақаларида 16 мамлакат терма жамоалари иштирок этмоқда.
Мусобақа қоидасига кўра, Олимпиадада 23 ёшгача бўлган футболчилардан таркиб топган жамоалар қатнашади. Ҳар бир терма жамоа ёши катта уч нафар тажрибали ўйинчи ёрдамидан фойдаланиши мумкин.
Ўзбекистон U-23 терма жамоаси мураббийлар штаби Олимпия ўйинларига ёши катта ўйинчилардан Элдор Шомуродов, Ҳусниддин Алиқулов ва Остон Ўруновни киритган.
Sports.uz портали Европанинг етакчи лигаларидан Париж Олимпиадасига жалб қилинган 20 нафар энг машҳур чарм тўп усталари рўйхатини футбол ишқибозлари эътиборига ҳавола этади.
Александр Ляказетт, Франция, “Лион”
Михаэль Олисе, Франция, “Бавария” Мюнхен
Дезире Дуэ, Франция, “Ренн”
Жан-Филипп Матета, Франция, “Кристал Пэлас”
Райан Черки, Франция, “Лион”
Наби Кейта, Гвинея, “Вердер” Бремен
Хулиан Альварес, Аргентина, “Манчестер Сити”
Клаудио Эчеверри, Аргентина, “Манчестер Сити”
Николас Отаменди, Аргентина, “Бенфика”
Ашраф Ҳакими, Марокаш, ПСЖ
Жуниор Фирпо, Доминикан Республикаси, “Лидс Юнайтед”
Муҳаммад Элнени, Миср, “Арсенал”
Эрик Гарсия, Испания, “Жирона”
Пау Кубарси, Испания, “Барселона”
Алекс Баэна, Испания, “Вильярреал”
Фермин Лопес, Испания, “Барселона”
Мигель Гутьеррес, Испания, “Жирона”
Саму Омородион, Испания, “Атлетико” Мадрид
Элдор Шомуродов, Ўзбекистон, “Рома”
Хулио Энсисо, Парагвай, “Брайтон”
Рўйхатдан кўриниб турибдики, энг кўп юлдуз ўйинчиларни Аргентина, Испания ва Франция терма жамоалари жамлаган. Футбол экспертлари айнан мана шу терма жамоаларни Олимпия ўйинлари ғолиблигига асосий даъвогар сифатида эътироф этмоқда.
Ўзбекистон терма жамоаси етакчиси Элдор Шомуродов Олимпия ўйинларида қатнашадиган энг машҳур ўйинчилар рўйхатига киритилган ягона осиёлик футболчи ҳисобланади.
Мусобқанинг “С” гуруҳидан ўрин олган ҳамюртларимиз плей-оффга чиқиш учун Испания, Миср ва Доминикан Республикаси футболчилари билан беллашади.
Квартетдаги ҳар бир терма жамоада Олимпиаданинг машҳур футболчилари рўйхатига киритилган футболчиларнинг борлиги беллашувларнинг кескин ва муросасиз ўтишидан далолат беради.