Шок хабар: Месси бошқа клубга ўтадиган бўлди

Бир неча нуфузли манбалар саккиз карра “Олтин тўп” соҳиби Лионель Месси ўзи 2023 йилнинг ёзидан бери ўйнаб келаётган “Интер Майами” клуби билан янги шартнома бўйича келишиб олганини маълум қилган эди.

Тарқатилган хабарларга кўра, 38 ёшли футболчи флоридаликлар билан 2028 йилнинг охиригача давом этадиган битим тузиши кутилаётганди.

Аммо яна бир нуфузли манба – El Nacional нашри Мессининг фикри ўзгаргани ҳақида ёзди. Манбанинг таъкидлашича, аргентиналик юлдуз фаолиятини тез орада фаолиятини якунлаш, бу ишни ўз юртида, ўзининг биринчи жамоаси “Ньюэллс Олд Бойз” клубида якунлашга қарор қилган.

Мессининг Аргентина терма жамоасидаги келажаги ҳам мавҳум бўлиб турибди. Лео 2026 йилги жаҳон чемпионатида қатнашиши аниқ эмас. Шунга қарамай,  El Nacional экспертлари Месси фаолиятидаги охирги мундиалга айнан “Ньюэллс Олд Бойз” ўйинчиси сифатида бориб, қадрдон клуби номини тарихга муҳрлашни орзу қилаётганини ёзди.