“Шахтёр” Яхшибоевни кузатиб қўйди!
- 4-октябр 2020, 10:35
- Zohir Toshxo’jayev
- 1
- Футбол
“Шахтёр” футболчиси Жасурбек Яхшибоев Ўзбекистон миллий терма жамоаси бош мураббийи Вадим Абрамовдан икки ҳафталик ўқув-машғулот йиғини ва ўртоқлик учрашувларига таклиф олган эди.
“Шахтёр” клуби ўз тўпурарига омад тилаб, уни терма жамоа ихтиёрига кузатиб қўйди.
- Ўзбекистон миллий терма жамоаси 8 октябрь куни Тошкентда Эрон футболчилари билан ўртоқлик учрашувини ўтказади. 12 октябрда эса сафарда Бирлашган Араб Амирликлари терма жамоаси меҳмони бўлади, - деб ёзмоқда “Шахтёр”
2022 йилги жаҳон чемпионати ва 2023 йилги Осиё кубоги мусобақаларининг қўшма саралаш турнирига тайёргарлик кўраётган мамлакатимиз бош терма жамоаси мураббийлар штаби бу галги йиғинга энг кучли футболчиларни таклиф этди.
Шундай бўлса-да, Хитой чемпионатида ўйнаётган жамоа сардори Одил Аҳмедов ва тажрибали ҳимоячи Ислом Тўхтахўжаев пандемия сабаб йиғинга келмайди. Шунингдек, “Женоа”га кўчиб ўтган асосий ҳужумчи Элдор Шомуродовнинг ҳам Тошкентга етиб кела олмаслиги ҳақиқатга яқин. Бундай вазиятда Жасур Яхшибоев тўпурарлик маҳоратини кўрсатиш учун яхши имкониятга эга бўлади.