Саудия Арабистони ҳукумати вакиллари "Ньюкасл" бўйича келишувда бевосита иштирок этади
- 22-октябр 2024, 09:54
- 0
- Футбол
Саудия Арабистони ҳукумат расмийлари "Ньюкасл Юнайтед"ни сотиб олиш келишувида бевосита иштирок этишлари мумкин.
Айнан расмий ҳокимият молиялаштирадиган "Saudi Aramco" фонди клубни 2021 йилда 305 миллион фунт стерлингга сотиб олганди. Ўша пайтда АПЛ раҳбарияти саудияликларнинг расмийлари клубни бевосита назорат қилмаслиги ҳақида қонуний кафолат олгандан кейингина келишувни маъқуллаган эди.
Шу кунларда эса, "қарғалар"нинг собиқ эгаси Аманда Ставелининг мессенжеридаги ёзишмалари интернетга тарқалди. Унинг мазмунидан ҳам кўриниб турибдики, клубни сотиш бўйича келишув Саудия Арабистони валиаҳд шаҳзодаси Муҳаммад бин Салмон ас-Сауд томонидан маъқулланган бўлиши катта эхтимол.
"The Guardian" нашрининг хабар беришича, Премьер-лига келишувнинг қонунийлигини кўриб чиқиш учун асос кўрмаяпти. Шу билан бирга, лига ўз қарорининг оқибатларига ойдинлик киритиш учун ҳакамлик комиссиясига мурожаат киритган.