Сардор машғулотларга келишдан бош тортмоқда. Сабаб нима?

“Уотфорд” клуби сардори Трой Дини гарчи АПЛ томонидан машғулотларга рухсат берилган бўлсада, у шуғулланишни хоҳламаяпти.

“Машғулотларга рухсат берилди, аммо мен ҳозир қайтмоқчи эмасман. Июль ойи ўртасигача сартарошга боришга рухсат йўқ, лекин 19 та футболчи билан тўп учун курашиш? Мен бундай тизимга умуман тушунмаяпман.

Зарарланиш учун битта одамдаги инфекция етарли. Мен касалликни уйимга олиб келишни хоҳламайман. Чўнтагимдаги пуллардан кўра оилам соғлиги муҳимроқ”, - дейди Дини.

Трой жорий мавсум АПЛда 18 та ўйинда майдонга тушди ва 6 та гол урди.