"Самалётлар ортга учмайди"

Николас Жексон "Бавария" футболчисига айланишидан ҳамон умид қилмоқда. 

Аввалроқ,  "Челси" Жексонни Мюнхен клубига 65 миллион еврога сотиб олиш опцияси билан 15 миллион евро эвазига ижарага бераётгани маълум бўлганди. 

Кеча бўлиб ўтган "Фулхэм"га (2:0) қарши ўйиндан сўнг вазият ўзгарди. "Аристократлар" Лиам Делап тиззасидан жароҳат олгани боис Жексонни жамоада олиб қоладиган бўляпти. 

Жексоннинг ўзи "Бавария"га ижара асосида ўтишни хоҳламоқда. Футболчининг яқин кишиси бўлган Диоманси Камара ўз саҳифасида: "Самалётлар ортга учмайди", дея изоҳ қолдирди.