Саида Маҳмудова Хоразмда стол тенниси бўйича семинар ўтказди
- 7-март 2018, 22:28
- 0
- Стол тенниси
Cтол тенниси бўйича Ўзбекистон терма жамоаси мураббийи Саида Маҳмудова ҳамда шогирдлари билан Хоразм вилоятида мазкур спорт турини янада оммалаштириш бўйича семинар ва маҳорат сабоқларини ўтказди.
Семинарда мактабгача таълим муассасаларида ва мактабларда болаларнинг стол тенниси билан шуғулланишлари учун шароитлар яратиш, улар ўртасида ушбу спорт турини янада оммалаштириш масалалари кўриб чиқилди.
Шунингдек, стол теннисига меҳр қўйган ўғил-қизларга халқаро мусобақаларда бир неча бор шоҳсупага кўтарилган спортчилар маҳорат сабоқларини ўтказди.
– Семинар ва маҳорат сабоқларини ўтказишдан кўзланган асосий мақсад, навқирон авлод ўртасида стол теннисини янада ривожлантириш ва улар ўртасидан тажрибали теннисчиларни камол топтиришдир, – дейди Саида Маҳмудова.