Рубин Хебай: "Менга ҳеч қанақа таклиф йўқ, тез орада "Андижон"нинг Тожикистондаги йиғинига қўшиламан"
- 9-январ 2024, 14:21
- Shuhratbek Jo’rayev
- 1
- Футбол
2023 йилги мавсумда “Андижон” жамоаси таркибида ўзининг ажойиб ўйинлари ҳамда голлари билан мухлисларнинг меҳрини қозонган албаниялик легионер Рубин Хебай яқин вақтлар ичида таътилдан қайтади.
Қолаверса, Суперлига юлдузига айланган футболчимизга турли хил қизиқишлар борлиги тўғрисида ҳам гап-cўзлар йўқ эмас. Бу хусусида футболчи “Андижон” матбуот хизматига қуйидагиларни айтди:
“Мен тез орада “Андижон”нинг Тожикистондаги йиғинига қўшиламан ва жамоам билан тайёргарликни бошлайман. Менинг “Андижон” клуби билан амалда шартномам бор. Менга ҳеч қанақа таклиф йўқ.
Мен профессионал футболчиман. Агар клубга яхши таклиф тушса, биз бу ҳақида гаплашамиз ва икки томон учун нима яхшироқ эканини ҳал қиламиз.
Лекин менда бошқа клублар бўйича ҳеч қанақа маълумотлар йўқ”.
“Андижон” матбуот хизмати.