РПЛ. Файзуллаев захирадан майдонга тушган баҳсда ЦСКА камбэк амалга оширди

РПЛнинг 29-турида "Локомотив" ва ЦСКА жамоалари ўзаро куч синашишди. Беллашув 2:2 ҳисобида якунланди. 

Дастлаб мезбонлар вакили Воробев баҳснинг 10 ва 25-дақиқасида гол уриб, икки тўп фарқини юзага келтирди. Аммо меҳмонлар футболчиси Гуарирапа иккинчи таймнинг бошида  дарвозани ишғол қилиб ҳисобни қисқартирди. Учрашув якунланишига 10-дақиқа қолганда эса Кисляк рақиб дарвозабонини ожиз қолдирган ҳолда мувозанатни тиклади. 

Ушбу ўйинда терма жамоамиз аъзоси Аббосбек Файзуллаев 20-дақиқада захирадан майдонга тушди ва фаол ҳаракат қилиб жамоасининг камбэк амалга оширишига ёрдам берди. "Армиячилар"айни пайтда 56 очко билан турнир жадвалини 4-ўринида бормоқда.