Рой Кин: "Трент кетса, кетаверсин"

"Манчестер Юнайтед"нинг собиқ сардори Рой Кин "Ливерпуль" ҳимоячиси Трент Александр-Арнольднинг жамоадан кетишига ўз муносабатини билдирди.

- Менга Трентнинг трансфери ҳақидаги муҳокамалар, гўё у "Ливерпуль"ни тарк этса дунё тўхтаб қоладигандек бўлаётгани тушунарсиз. Шубҳасиз, у яхши футболчи, бироқ, клуб унинг ўрнини босадиган бошқа ҳимоячини топади.

"Ливерпуль"ни Александр-Арнольддан ҳам кучлироқ футболчилар тарк этган. Шундан сўнг ҳам ҳаммаси яхши бўлган, - дея ирландиялик футболчининг сўзларини келтирди "The Mirror" нашри.

Аввалроқ, матбуотда инглиз ҳимоячиси ёзда эркин агент сифатида "Реал Мадрид"га ўтиши мумкинлиги ҳақида хабарлар тарқалган эди.