Россиялик дарвозабон эртага ПСЖ сафида дебют қилиши мумкин

Жанлуижи Доннарумма ПСЖ сафида машғулотларини ўтказиб юборди. Бунга сабаб эса, у оталик бахтига эришди. Айнан шу сабабли италиялик посбон жамоасининг навбатдаги ўйинини ўтказиб юбориши катта эхтимол. Бу дегани захира посбони Матвей Сафонов шанба куни парижликлар сафида дебют қилиши мумкин.

Айни дамда россиялик дарвозабон ПСЖ сафида ҳали расмий ўйинларда майдонга тушмаган. Август ойида у Австриянинг "Штурм" клубига қарши кечган ўртоқлик ўйинида майдонга тушди ҳолос.