Россия терма жамоаси футболчиси учун "Реал", "Барса" ва "Атлетико" кураш бошлади

"Монако" ярим ҳимоячиси Александр Головин фаолиятини Испанияда давом эттириши мумкин.

"Чемпионат" нашрининг хабар беришича, 24 ёшли россиялик футболчига Ла Лиганинг кучли олтилигида бораётган жамоалар - "Атлетико", "Барселона", "Реал", "Севилья", "Реал Сосьедад" ва "Бетис" даъвогарлик қилмоқда. Улар Головинни ёзги трансферлар даврида сотиб олишни режалаштирмоқда.

Головин жорий мавсум "Монако" сафида 14 та ўйинда майдонга тушди ва ўз ҳисобига 4 та гол ҳамда 6 та голли узатма ёздириб қўйишга эришди. Унинг трансфер нархи эса 19 млн еврога баҳоланмоқда.