Роналдунинг жамоаси Винисиус ва яна икки юлдуз учун 400 миллион евро тикди
- 20-апрел 2025, 18:53
- Zohir Toshxo’jayev
- 0
- Футбол
Саудия Арабистонининг “Ан-Наср” клуби келаси мавсум олдидан таркибини юлдуз футболчилар ёрдамида сезиларли даражада кучайтиришга қарор қилган.
Шайхлар Европада порлаётган уч нафар жанубий америкалик юлдузлар учун 400 миллион евро миқдорида маблағ тайёрлаб қўйгани айтилмоқда.
Трансфер қилинадиган ўйинчилар рўйхатини “Реал” ҳужумчиси Винисиус Жуниор эгаллаб турибди. “Ан-Наср” бразилиялик тўпурар учун 250 миллион евродан кўпроқ пул тикишга тайёр.
Нишондаги қолган икки футболчи Англия Премьер-лигасида ўйнаяпти. Улар жорий мавсумда “Челси” учун алиштириб бўлмас ўйинчига айланган эквадорли Мойзес Кайседо ва “Арсенал”нинг бразилиялик ҳимоячиси Габриэл Магальяйнсдир.
Трансферлар бўйича мутахассислар “Ан-Наср” ўз сафида кўришни орзу қилаётган учала футболчини олиб келиш осон бўлмаслиги ва бу ўта мураккаб жараён эканини таъкидламоқда.