Роналду Шомуродов жамоасидагилар билан ҳеч қачон футболка алмаштирмайди!

Футбол оламида ўзаро либос алмаштириш анъанаси бор. Айниқса, ўз даврининг машҳур ўйинчиларининг футболкалари жуда юқори баҳоланади.

Оддий мухлислар ўз йўлига, лекин аксарият чарм тўп усталари ҳам номдор ҳамкасбларининг формаларини коллекция қилиши одат тусига кирган. Учрашувлардан кейин футболчиларнинг ўзаро кийим алмашиши ҳам футболдаги дўстлик, бирдамлик, ўзаро ҳурмат намунаси ҳисобланади.

Ўйинчи қанчалар номдор ва таниқли бўлса, унинг либоси ҳам шу қадар қадрланади.

Бироқ футболчилар ҳам оддий инсон. Улар ўзаро футболка алмашишни истамаган ҳамкасблари ва жамоалар ҳам бўлиши табиий ҳол.

Жаҳон футболида энг кўп гол урган Криштиану Роналду ўзи ҳеч қачон футболка алмаштирмайдиган жамоа борлиги ва бу қарорининг сабаблари ҳақида гапириб берди.

- Мен “Рома” билан бўлган учрашувни ҳамон эслайман. Ўшанда биз 6:0 ҳисобида олдинда эдик ва улар мендан тўхташни сўрашди. Рақиб гол урмаслигимни сўраб ялинарди. “Рома” футболчилари менга зиён етказишларини айтиб, таҳдид қилишди.

Мен ушбу клуб футболчилари билан ҳеч қачон футболка алмаштирмайман, - деди Криштиану Роналду  Give me Sport нашриги берган интервьюсида.

Беш карра “Олтин тўп” соҳиби айтиб берган воқеа 2007 йили Европа Чемпионлар лигаси чорак финал босқичида юз берган.

Ўшанда Криштиану Роналду “Манчестер Юнайтед”да ўйнар эди. Чорак финалнинг биринчи учрашувида “Рома” ўз майдонида 2:1 ҳисобида зафар қучган. “Олд Траффорд”даги жавоб ўйинида манчестерликлар рақибни шунчаки янчиб ташлаган.

Иккинчи учрашув “Олд Траффорд” эгаларининг 7:1 ҳисобидаги ғалабаси билан якунлаган. Португалиялик юлдуз беллашувларнинг 44 ва 49-дақиқаларида римликлар дарвозасини икки бор ишғол қилган.

Роналду айтган воқеа беллашувнинг 60-69 дақиқалари оралиғида юз берган. Чунки манчестерликлар бир соат ичида “Рома”га олтита гол уриб бўлганди. 69-дақиқада Даниэле де Росси ягона жавоб голини киритган.

Тақдир тақозоси билан Криштиану Роналду 2018-2021 йиллар давомида Италия грандларидан  “Ювентус” шарафини ҳимоя қилди ва А Серия ҳамда Италия кубоги турнирлари доирасида яна “Рома”га қарши учрашувларда майдонга тушди.

Роналду бу даврда Рим клубига қарши ўтказилган жами еттита ўйиндан олтитасида иштирок этди ва “бўрилар” дарвозасини беш маротаба ишғол қилди.

Бугунги кунда “Рома”да ўйнаётган Элдор Шомуродов Италиядаги дебют мавсумида “Женоа” сафида Криштиану Роналдуга қарши иккита учрашувда ўйнаган эди.  

Шомуродов жамоасини машҳур мураббий бошқаришга рози бўлди

Шомуродовга экспертлар неччи балл қўйди?

Бу юлдуз келса, Ҳусановга “Сити”да аниқ “нон” қолмайди!

Раньери ва Шомуродов А Серияни даҳшатга солмоқда

Шомуродов “Рома”нинг “топ-5”даги тарихий рекордини таъминлаб берди!