Рэшфорд Ямалнинг истеъдодига баҳо берди

"Барселона" сафига янги келиб қўшилган Маркус Рэшфорд жамоадоши Ламин Ямал ҳақида фикр билдирди.

"Ламин 18 ёшли йигит. У доим позитив кайфиятда ва бошқалар билан кўп ҳазиллашади. Футболчи сифатида эса олий даражадаги истеъдод эгаси. Энг ҳайратланарлиси, Ямал ўз тенгдошларига қаранганда анча юқори даражада. Унинг фикрлаши ва ўйини 18 ёшли боланинг ҳаракатларидан фарқ қилади. Менимча, ҳозирда у "Олтин тўп"ни қўлга киритишга лойиқ бўлган футболчи. Агар бу йил ютмаса, келажакда албатта ютади. Ишончим комилки, Ламин  бу соврини қўлга киритишга қодир", - деди англиялик ҳужумчи.

Эслатиб ўтамиз, Каталония клуби Ла Лиганинг иккинчи турида "Леванте"га қарши меҳмонда майдонга чиқади. Учрашув 24 август куни Тошкент вақти билан соат 00:30 да бошланади.