“Реал”ни Анчелотти бошқариши мумкин
- 21-декабр 2025, 10:45
- Zohir Toshxo’jayev
- 0
- Футбол
Хаби Алонсодан аввал “Реал”га устозлик қилган италиялик мутахассис Карло Ачелоттининг ўғли Давиде Мадрид клуби бош мураббийлигига тайинланиши мумкин.
Бу ҳақда Sport.es сайти хабар тарқатди.
Карло Анчелотти “Қироллик клуби”да ишлаган даврда Давиде отасига ёрдамчилик қилган ва клубнинг ички муҳитини яхши билади. Карло Анчелотти Бразилия терма жамоаси бош мураббийи этиб тайинланганида Давиде бу мамлакатнинг машҳур клуби “Ботафого”ни бошқаришга киришди.
18 декабрь куни Давида “Ботафого” билан хайрлашди. У билан бирга мураббийлар штаби вакиллари – жисмоний тайёргарлик бўйича мутахассис Лука Герра ва ёрдамчи мураббийлардан Луис Тевенет ва Эндрю Манган ҳам клубдан кетди.
Манбанинг таъкидлашича, Давиде Анчелоттининг Бразилияни тарк этгани “Реал”да Хаби Алонсонинг ўрнини эгаллаш имконияти юзага келгани билан боғлиқ. Хаби Алонсо ёзда жамоани қабул қилиб олганидан кейин футболчиларга ўзининг ўйин фалсафасини сингдира олмади ва ҳамон унинг клубдаги келажаги мавҳум бўлиб турибди.