"Реал" Винисиусдан сўнг яна тўрт футболчиси билан шартнома муддатини узайтиради!

"Реал" клуби ёш юлдуз Винисиус Жуниор билан шартнома узайтиргани ҳақида маълумот бергандик.  Энди жамоа раҳбарияти яна 4 нафар футболчи билан янги битим тузишни режалаштирмоқда. 

"AranchaMOBILE" нашрининг хабар беришича, клуб Федерико Вальверде, Родриго, Эдуардо Камавинга ва Эдер Милитао каби иқтидор эгалари билан шартномани узайтирмоқчи. Янги келишувга кўра, уларнинг барчасида маошлар ошади ва 2028 йилга қадар клуб билан шартномага эга бўлади. 

Мазкур футболчиларнинг товон пули ҳам сезиларли даражада оширилиши кутилмоқда.