“Реал” Мбаппе ўрнига бошқа тўпурар топди
- 30-июн 2023, 12:01
- Zohir Toshxo’jayev
- 0
- Футбол
“Реал” раҳбарияти жамоани тарк этиб, Саудия Арабистонига кетиб қолган Карим Бензема ўрнини Килиан Мбаппе эгаллашини истаяпти.
Бироқ, 24 ёшли футболчининг трансферини амалга ошириш осон бўлмайди. Шунинг учун ҳам мадридликлар захира вариантини тайёрлаб қўйди.
Todofichajes нашрининг ёзишича, агар “Реал” Килиан Мбаппени қўлга кирита олмаса, унинг ўрнига Аргентина терма жамоаси ҳужумчиси Лаутаро Мартинесни трансфер қилади.
25 ёшли жаҳон чемпиони “Интер” сафида 2018 йилдан бери тўп тепмоқда. Унинг миланликлар билан шартномаси 2026 йилнинг ёзигача тузилган.
Бу трансфер мадридликларга 85 миллион еврога тушади. Бир неча мавсумдан бери Европанинг етакчи клублари Лаутаро Мартинесни ўз сафига кўчиб ўтишга кўндира олмаяпти. Лекин “Реал”да бу трансферни амалга ошириш имконияти юқори экани айтилмоқда.