“Реал” ҳеч ким танимайдиган бош мураббий олиб келмоқчи
- 19-феврал 2025, 08:05
- Zohir Toshxo’jayev
- 0
- Футбол
“Реал” раҳбарияти жамоани 2021 йилдан бери бошқариб келаётган Карло Анчелотти ўрнини эгаллаши мумкин бўлган янги номзод топди.
Италиялик мутахассиснинг клуб билан шартномаси 2026 йилнинг ёзигача давом этиши белгиланган бўлса-да, жамоа жорий мавсумдан кейин бошқа мураббийга топширилиши мумкин.
Аслида мадридликлар бош мураббийликка “Байер”да муваффақиятли ишлаётган Хаби Алонсони олиб келмоқчи эди. Лекин “Байер” бош директори Фернандо Карро испаниялик мураббий билан келаси мавсумда ҳам ишни давом эттириш истагини айтганидан кейин “Қироллик клуби” бошқа йўл тутишига тўғри келмоқда.
Daily Mail нашрининг ёзишича, “Реал” айни пайтда “Борнмут”ни бошқараётган Андони Ираолани бош мураббий қилиб тайинлашни режалаштирмоқда.
Мадридликларга 42 ёшли мураббий қўллаётган ҳужумкор ўйин услуби жуда маъқул келгани айтилмоқда. Қолаверса, Хаби Алонсо ва Андони Ираоланинг манфаатларини бир агентлик ҳимоя қилаётгани ҳам "Реал" эътиборидан четда қолмади.